Maniwala ka kaya?

Mga nakaw na tingin
Sulyap na di napapansin
Mga ngiting may ibig sabihin
Pagtinging inililihim

Mga mensaheng paulit-ulit binabasa
Ngiti sa labing di mawala-wala
Sinasariwa sa aking gunita
Tawa mong sa pandinig parang musika

Hindi mo ba nahahalata
Kakaibang kislap sa aking mga mata
Kasiyahang bakas sa aking mukha
Kapag ikaw ang aking kasama?

Hindi ko na ata kaya pang itago
Pagibig na pilit inililihim sayo
Natatakot lamang na layuan mo
O di kaya'y isiping ako'y nagbibiro

Kapag ipinagtapat ko ba ang totoo sinta
Maipapangako bang hindi ka matatawa?
Kapag sinabi ko bang mahal kita
Maniniwala ka ba?