Kawawang kabataan

Kawawang mga kabataan, bakit ganyan?
Buhay sa kalye ay walang hangganan
Saan na kaya ang iyong mga magulang
Na siyang sanhi sa ganyang kalagayan?

Umaga't hapon sila'y nasa lansangan
Humihingi ng pagkain sa mga tindahan
Minsa'y nagtitinda pa ng mga pahayagan
Matustusan lamang, mga pangangailangan

Maruming pisngi ang mailalarawan
Sa mga kabataang napapabayaan
Paano na kaya ang kinabukasan
Kung kabataa'y di matutulungan?

Maraming salamat kabataang lansangan
Dahil sa'yo, kami ay nakakaramdam
Sa mga kahirapang inyong naranasan
Damdamin nami'y pinupukaw nang marahan.